ਇੱਕ ਬਾਰ ਫਿਰੋਜਪੁਰ ਦੀਆਂ ਕੰਧਾਂ ਤੇ ਨਕਸਲੀ ਪੋਸਟਰ ਚਿਪਕਾਏ ਸਨ

Dhido Gill on Sunday 2 March 2014 at 10:34 AM

ਫੇਸਬੁੱਕ ਤੇ ਸਾਡਾ ਹੁਣ ਫੇਰ ਵਾਸਤਾ ਪੈ ਗਿਆ

Courtesy Scetch 

ਹੈਰਾਨ ਹਾਂ ਕਿ ਅਜੀਬ ਜਿਹੇ ਹਾਦਸੇ ਵਾਪਰਦੇ ਨੇ ਤੁਹਾਡੀ ਜਿੰਦਗੀ ਵਿੱਚ......

Virinder Singh .... ਨਾਲ ਫੇਸਬੁੱਕ ਮਿਲਣੀ ਹੋ ਰਹੀ ਹੈ , ਮੈਂ ਤੇ ਵਰਿੰਦਰ ਨੇ 1970 ਵਿੱਚ ਇੱਕ ਬਾਰ ਫਿਰੋਜਪੁਰ ਦੀਆਂ ਕੰਧਾਂ ਤੇ ਨਕਸਲੀ ਪੋਸਟਰ ਚਿਪਕਾਏ ਸਨ , ਮੈਂ ਟਲਦਾ ਸੀ ਕਿ ਚੱਲੋ ਸਾਰੇ ਸ਼ਹਰ ਵਿੱਚ ਪੋਸਟਰ ਲੱਗ ਚੁੱਕੇ ਹਨ , ਚੱਲੀਏ , ਪਰ ਵਰਿੰਦਰ ਫਿਰੋਜਪੁਰ ਦੇ ਪੁਰਾਣੇ ਬੱਸ ਅੱਡੇ ਦੇ ਸਾਹਮਣੇ ਪੈਂਦੇ ਠਾਣੇ ਦੀ ਕੰਧ ਤੇ ਆਖਰੀ ਪੋਸਟਰ ਲਾਣ ਤੋਂ ਨਾ ਟਲ਼ਿਆ , ਉਸਦੇ ਬੁਨੈਣ ਪਾਈ ਹੋਈ ਸੀ , ਉਸਨੇ ਪੋਸਟਰ ਲਾਇਆ , ਤੇ ਸਾਰੀ ਲੇਟੀ ਉਸਦੇ ਉੱਪਰ ਹੀ ਪੈ ਗਈ । ਮੈਂ ਉਸਨੂੰ ਸਾਂਭਿਆਂ , ਸਾਫ ਕੀਤਾ , ਖਤਰੇ ਦੀ ਜੂਹ ਵਿੱਚੋਂ ਅਸੀਂ ਬਾਹਰ ਆ ਗਏ , ਆਰ ਐਸ ਡੀ ਕਾਲਜ਼ ਹੋਸਟਲ ਪਹੁੰਚ ਗਏ ।
.................. ਫੇਸ ਬੁੱਕ ਤੇ ਸਾਡਾ ਹੁਣ ਫੇਰ ਵਾਸਤਾ ਪੈ ਗਿਆ ਹੈ , ਉਹ ਬਹੁਤ ਹੀ ਜਹਿਰੀ ਟਿੱਪਣੀਆਂ ਲਿਖਦਾ ਹੈ , ਸੁਆਲਾਂ ਦੇ ਰੂਪ ਵਿੱਚ , ਖਾਸ ਕਰਕੇ ਕੇਜਰੀਵਾਲ਼ ਬਾਰੇ , ਤੇ ਮੈਂ ਕੇਜਰੀਵਾਰ ਦੀ ਲਹਿਰ ਦਾ ਹਰਖੀਲਾ ਹਾਮੀ ਹਾਂ................
ਇਹ ਵੀ ਕੇਹਾ ਦੁਖਾਂਤ ਹੈ ਕਿ ਮੈਂ ਤੇ ਵਰਿੰਦਰ ਇੱਕ ਨੁਕਤੇ ਤੇ ਸਹਿਮਤ ਹੋਣ ਤੋਂ ਨਾਬਰ ਹਾਂ.....ਬੱਸ ਆਮ ਆਦਮੀ ਪਾਰਟੀ ਦੀ ਆਮਦ ਦੇ ਮਾਮਲੇ ਵਿੱਚ ਸ਼ਾਇਦ ਏਹੀ ਵਿੱਥ ਹੈ , ਜੁ ਇੱਕ ਦੇਸ਼ ਪੱਧਰੀ ਵਰਤਾਰਾ ਬਣ ਗਿਆ ਹੈ , ਕਿ ਅਸੀਂ ਕੁੱਝ ਕੁ ਸਫਰ ਦਾ ਰਾਹ ਵੀ ਸਾਂਝਾ ਨਾ ਕਰ ਸਕੇ। 

ਨੋਟ: ਜੇ ਤੁਹਾਡੇ ਦਿਲ ਦਿਮਾਗ ਦੇ ਕਿਸੇ ਕੋਨੇ ਵਿੱਚ ਵੀ ਕੋਈ ਅਜਿਹੀ ਯਾਦ ਸਾਂਭੀ ਪਈ ਹੈ ਤਾਂ ਉਸਨੂੰ ਤੁਰੰਤ ਲਿਖ ਭੇਜੋ